Prezıdent Ortalyq Azııa memleketteri basshylaryn Qazaqstanda ótetin 6-shy Konsýltatıvtik kezdesýge shaqyrdy

Prezıdent Qasym-Jomart Toqaev «Ortalyq Azııa» týrıstik brendin birge nasıhattaı otyryp, elderimizdiń biregeı tabıǵatyn jáne ózine tán baı mádenıetin búkil álemge tanystyrýǵa keremet múmkindigimiz bar ekenin aıtty, dep habarlaıdy QazAqparat.

Memleket basshysynyń paıymynsha, aqparattyq keńistiktegi yntymaqtastyqty jandandyrýdyń perspektıvasy zor.

»Joǵary sapaly ortaq medıajobalardy júzege asyrý, sonyń ishinde jalpyóńirlik telearna, jańalyqtar saıtyn qurý isine kirisýdi usynamyn. Bul mindetterdiń oryndalýy Ortalyq Azııa elderiniń salalyq vedomstvolary jáne aqparat agenttikteri arasyndaǵy turaqty dıalogqa septigin tıgizedi», - dedi ol.

Prezıdenttiń usynystary memleketterimiz arasyndaǵy qarym-qatynasty jańa sapaly deńgeıge kóterý nıetinen týyndap otyr.

«Qazaqstan óńirdegi yntymaqtastyqty odan ári nyǵaıtýǵa múddeli ekenin taǵy da atap ótkim keledi. Qurmetti áriptester, Sizderdi Ortalyq Azııa memleketteri basshylarynyń Qazaqstanda ótetin 6-shy Konsýltatıvtik kezdesýine shaqyramyn.

Aldaǵy mindetterdiń tabysty júzege asyrylýy dostyqty, tatý kórshilik qarym-qatynasty jáne strategııalyq seriktestikti odan ári nyǵaıtýǵa múmkindik beretinine senimdimin», - dedi sodan soń Memleket basshysy.