«Ortalyq Azııa – Germanııa»: san qyrly seriktestikti damytýdyń jańa kezeńine jol ashyldy - Prezıdent

<p>ASTANA. KAZINFORM &ndash; Qasym-Jomart Toqaev Federaldyq kantsler Olaf Sholtske, Ortalyq Azııa elderiniń prezıdentteri men nemis kompanııalarynyń basshylaryna iltıpat bildire otyryp, &laquo;Ortalyq Azııa &ndash; Germanııa&raquo; formatyndaǵy ekinshi kezdesý san qyrly seriktestikti damytýdyń jańa kezeńine jol ashqanyn atap ótti, dep habarlaıdy Aqordanyń baspasóz qyzmeti.</p>

Qazaqstan Prezıdentiniń aıtýynsha, jan-jaqty pikir almasýlar memleketter basshylarynyń yntymaqtastyqty odan ári tereńdetýge nıetti ekenin rastaıdy.

– Germanııa men óńirdegi memleketterdiń arasyndaǵy baılanysqa udaıy dáneker bolyp kele jatqany úshin Germanııa ekonomıkasy Shyǵys komıtetine erekshe alǵys aıtamyn. Germanııa – ekonomıkalyq jáne tehnologııalyq ınnovatsııa salasynda álemdik kóshbasshylardyń biri. Bul eldiń ónimderi óziniń sapasymen áıgili. Al Ortalyq Azııa – qarqyndy damyp kele jatqan, áleýeti orasan zor ári ózara tıimdi seriktestikke mol múmkindik ashatyn aımaq. Ortalyq Azııa – Shyǵys pen Batystyń, Soltústik pen Ońtústiktiń arasyn jalǵaıtyn altyn kópir. Sondyqtan tehnologııany transfertteý, óndiristi lokalızatsııalaý jáne qosylǵan quny joǵary ónim shyǵarý isiniń ortalyǵy bola alady. Osy turǵydan alǵanda, túrli salada yntymaqtastyq ornatýǵa daıynbyz. Asa qajetti shıkizatty ıgerý, energetıka, kólik jáne logıstıka, qarjy, aýyl sharýashylyǵy men aqparattyq tehnologııa sııaqty salalardaǵy kooperatsııany odan ári nyǵaıtýdyń perspektıvasy mol, – dedi Memleket basshysy.

Prezıdent kezdesýge qatysýshylar dostyq jáne syndarly sıpatta ózara yntymaqtastyqty odan ári nyǵaıtý joldaryn talqylaýǵa múmkindik alǵanyn aıtty. Qasym-Jomart Toqaev ıdeıa men tájirıbe almasý óńirdegi memleketterdiń jan-jaqty damýyna yqpal etetinine senim bildirdi.

Sóziniń sońynda Memleket basshysy ashyq jáne mazmundy dıalog úshin kezdesý qatysýshylaryna alǵys aıtty.

– Bizdiń jan-jaqty talqylaýlarymyz Ortalyq Azııa men Germanııa arasyndaǵy ekonomıkalyq yntymaqtastyqtyń túrli salada mol áleýetke ıe ekenin kórsetti. Óńiraralyq ekonomıkalyq kooperatsııaǵa tyń serpin beretin aýqymdy máselelerdi qarastyrdyq. Onyń ishinde, ınfraqurylym men energetıkadan bastap tehnologııa men ınnovatsııaǵa deıingi salalar qamtyldy, – dedi Qazaqstan Prezıdenti.

Qasym-Jomart Toqaev jıynda aıtylǵan Ekonomıkalyq keńes qurý týraly usynysty qoldady. Atalǵan organ nemis ınvestıtsııasyn tartýda jáne Ortalyq Azııa memleketteri men Germanııa arasyndaǵy ózara yqpaldastyqtyń ornyqty ınstıtýtsıonaldyq bazasyn qalyptastyrýda belsendi ról atqara alady.

Jıynda GFR Federaldyq kantsleri Olaf Sholts, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Ózbekstan Prezıdenti Shavkat Mırzıeev, sondaı-aq Siemens Energy AG kompanııasynyń basqarma tóraǵasy, Germanııa ekonomıkasy Shyǵys komıteti tóraǵasynyń orynbasary Krıstıan Brýh, KNAUF Gruppe kompanııasyn basqarýshy seriktesterdiń ókili Aleksandr Knaýf, Ernst Klett AG kompanııasynyń bas atqarýshy dırektory Fılıpp Haýsmann, DB E.C.O. Group kompanııasynyń atqarýshy keńesiniń tóraǵasy, Germanııa ekonomıkasy Shyǵys komıtetiniń Ortalyq Azııa jónindegi jumys tobynyń ókili Nıko Varbanoff, Siemens Healthineers AG kompanııasynyń basqarma tóraǵasy Berndt Montag, CLAAS Group kompanııasynyń basqarma tóraǵasy ıAn-Hendrık Mor sóz sóıledi.