Prezıdent Ónerkásip jáne qurylys mınıstri Qanat Sharlapaevty qabyldady

<p>ASTANA. KAZINFORM — Qanat Sharlapaev ónerkásiptik damý, geologııa, jer qoınaýyn paıdalaný jáne qurylys salalaryndaǵy jumystyń nátıjesi men aldaǵy kezeńge arnalǵan jospary jóninde baıandady.</p>

Bıylǵy qańtar-aqpan aılarynda Qazaqstannyń óńdeý ónerkásibindegi ósim 7,4 paıyzdy quraǵan.

Óndiris kólemin ulǵaıtýda mashına jasaý, metallýrgııa, hımııa jáne jeńil ónerkásip sııaqty salalardyń úlesi zor.

Jalpy quny 1,5 trln teńge bolatyn 180 jobany júzege asyrý josparlanǵan. Sonyń arqasynda 17,8 myń jumys orny ashylmaq.

Byltyr 157 myń turǵyn úı salynǵan. Bıyl 172 myń turǵyn úı salý kózdelip otyr.

Sondaı-aq jalǵa beriletin 22 myń turǵyn úıdiń qurylysyna memleketten 300 mıllıard teńgeden astam qarjy bólingen.

«Otbasy banki» arqyly qarjylandyrý kólemi 300 mlrd teńgeni quraıtyn baǵdarlama iske qosylady.

Bul el azamattaryna 12 myń ıpotekalyq zaım berýge septigin tıgizedi.

Jer qoınaýyn paıdalaný quqyǵyn berýge qatysty aýktsıondardy elektrondy formatta ótkizý úshin E-Qazynakz tsıfrlyq platformasynyń iske qosylǵan.

Bul bastama protsestiń ashyqtyǵy men qoljetimdiligin edáýir arttyrdy.

Qazirgi ýaqytta sý basqan óńirlerde jańa turǵyn úı salý úshin jobalyq-smetalyq qujattamanyń qunyn bekitý jumystary aıaqtalyp keledi.

Qasym-Jomart Toqaev apattan qıraǵan turǵyn úılerdi tez arada qalpyna keltirýdi tapsyrdy.