Prezıdent Oqý-aǵartý mınıstri Ǵanı Beısembaevty qabyldady

<p>ASTANA. KAZINFORM &mdash;&nbsp;<strong>Qasym-Jomart Toqaev Oqý-aǵartý mınıstri Ǵanı Beısembaevty qabyldady</strong><strong>, dep habarlady Aqordanyń baspasóz qyzmeti.</strong></p>

Ǵanı Beısembaev elimizdegi mektepke deıingi, orta, tehnıkalyq jáne kásiptik bilim berý salalaryn damytý maqsatynda qabyldanyp jatqan sharalar jóninde málimet berdi.

Onyń aıtýynsha, byltyr 137 myń oqýshyǵa arnalǵan 154 jańa mektep ashylǵan. Bul 29 úshaýysymdy, 12 apatty mekteptiń máselesin sheshken. Jańa oqý jylynda 365 myń oqýshyǵa eseptelgen 221 bilim oshaǵyn paıdalanýǵa berý josparlanyp otyr.

Sonymen qatar mektepterdi pándik kabınettermen jabdyqtaý kórsetkishi 2 ese artyp, ınternettiń sapasy jaqsarǵan. Tárbıe jumystary basym baǵyttardyń biri bolyp qala beredi. «Adal adam – Adal eńbek – Adal tabys» jalpyulttyq qundylyqtaryna negizdelgen «Birtutas tárbıe» baǵdarlamasy qolǵa alynǵan.

Mınıstr orta bilim sapasyn arttyrý týraly aıtty. Aıtýynsha, mektep oqýlyqtary tolyqtaı tsıfrlyq formatqa kóshirilgen. Qazaqstan atynan halyqaralyq olımpıadalarǵa qatysqan árbir ekinshi oqýshy júldeli oryndarǵa ıe bolyp júr. Byltyr el oqýshylary 58 altyn medal jeńip alǵan.

Mınıstr tehnıkalyq jáne kásiptik bilim berý júıesin transformatsııalaý, ınklıýzıvti jáne arnaıy oqytýdy damytý jónindegi jobalardy tanystyrdy.

Memleket basshysy Oqý-aǵartý mınıstrine salany odan ári jetildirý jáne balalardyń qaýipsizdigin qamtamasyz etý boıynsha birqatar tapsyrma berdi.