Prezıdent: Odaqtastarymyz ıntegratsııaǵa qanshalyqty daıyn bolsa, biz de sonshalyqty daıynbyz

<p>ASTANA. KAZINFORM &ndash; Ortalyq Azııa elderiniń birligi syn qaterler men syrtqy kúshterge laıyqty jaýap bola alady. Bul týraly Memleket basshysy Qasym-Jomart Toqaev &laquo;Egemen Qazaqstan&raquo; gazetine jarııalaǵan &laquo;Ortalyq Azııa renessansy: ornyqty damý jáne órkendeý joly&raquo; atty maqalasynda aıtty.</p>

Geosaıası belgisizdik beleń alyp, álemdik tártiptiń qalyptasqan úlgisi ydyrap turǵan qazirgi jaǵdaıda bul – shyn máninde, birden-bir ońtaıly tásil. Bizdiń bolashaǵymyz birligimizdi nyǵaıtýǵa, ózara senimdi arttyrýǵa jáne barsha álemge ashyq bolýǵa baılanysty. Osy qaǵıdattardyń negizinde ǵana biz Ortalyq Azııanyń serpindi, ınnovatsııalyq jáne mádenı baı óńir retindegi renessansyn qamtamasyz ete alamyz», - deıdi Prezıdent.

Sondaı-aq, maqalada Qazaqstan usynǵan «Ortalyq Azııa – 2040» tujyrymdamasynyń máni baıandalady.

«Óńirlik birlik paradıgmasyn kúsheıtý qazirgi jáne bolashaqtaǵy syn-qaterlerge barynsha laıyqty jaýap bolady, jaǵymsyz úrdisterdi tejeýge qatysty ortaq ustanymdardy ázirleýge múmkindik beredi, kez kelgen syrtqy kúshke qarsy turýǵa qajetti pármendi sharalardyń negizine aınalady. Sol úshin Qazaqstannyń usynysy boıynsha Aımaqtyq kooperatsııany damytý jónindegi «Ortalyq Azııa – 2040» tujyrymdamasy daıyndaldy. Onda kópqyrly jáne besjaqty yqpaldastyqty odan ári damytý baǵdarlary aıqyndalǵan. Biz óz tarapymyzdan «Tabysty Ortalyq Azııa – tabysty Qazaqstan» qaǵıdatyn dáıekti túrde ustanyp kelemiz jáne óńirdegi strategııalyq áriptesterimiz ben odaqtastarymyz ıntegratsııalyq úderisterdi odan ári damytýǵa qanshalyqty daıyn bolsa, biz de sonshalyqty daıyn ekenimizdi málimdeımiz», - dep jazady Qasym-Jomart Toqaev.