Prezıdent N. Nazarbaevtyń «G-global» ıdeıasy jahandyq deńgeıdegi mańyzdy másele - Hanon Barabaner
qaýymdastyǵy úılestirý keńesi tóraǵasynyń orynbasary Hanon Barabaner osyndaı pikir bildirdi.
«Búgingi kúni álem ekonomıkasy daǵdarystyq kúı keship, álemdik valıýta men banktik júıeler, tehnologııa máseleleri tyǵyryqqa tirelip otyrǵany belgili. Áleýmettik kúızelis qubylysy da órship tur. Endeshe bundaı jaǵdaıda tek ujymdyq kúsh-jiger ǵana oń jolǵa aparatyny taǵy aıqyn. Al osyndaı utymdy baǵytty «G-Global» ilki ıdeıasymen baılanystyrýǵa bolady. Óıtkeni, biz «G-8», «G-20» sekildi qurylymdar bar ekendigi týraly aıtqanda, olardyń tek tańdaýlylar klýby ekendigine mán bermeı jatamyz. Al jahandyq polıjúıeli daǵdarys bundaı aýqymdy máselege álem elderiniń basym kópshiliginiń qatysýyn talap etetinin kórsetip otyr. Prezıdent N. Nazarbaev usynǵan «G-global» ıdeıasy da osy turǵydan ózekti», - dedi Hanon Barabaner.
Onyń aıtýynsha, elder aǵymdaǵy daǵdarystan barynsha jemisti shyǵýlary úshin birqatar asa mańyzdy, tirek bolarlyq serpindi qurylymdar qurylýy shart. «Bundaı qurylymdar tek halyqaralyq negizde ǵana qalyptasýy kerek. Al bizdiń forým sondaı qurylymdardy qalyptastyrýǵa muryndyq bolyp, múmkindikke jol ashatyn mańyzdy pikir alańy» - dedi sarapshy.