Prezıdent múmkindigi shekteýli jandarǵa kómektesýge shaqyrdy – Elena Maşınskaıa

NUR-SULTAN. QazAqparat – Prezıdent áleýmettik kásipkerlikti óte jiti baqylap otyr. Memleket basshysymen kezdesken kásipker Elena Maşınskaıa osylaı dep pikir bildirdi, dep habarlaıdy QazAqparat tilshisi.

«Búgin kezdesýde Memleket basshysy bıznestiń áleýmettik jaýapkershiligi, sonymen birge eń aldymen áleýmettik kásipkerlik týraly aıtty. Biz óz jumysymyz, jobalarymyz týraly áńgimelestik. Óz kezeginde Prezıdent áleýmettik kásipkerlikke basa nazar aýdarý kerektigin jetkizdi. Kásiporyndar tıimdi jumys istep qana qoımaı, múgedekterdiń áleýmettiń beıimdelýine kómektesýi kerek. Bizdiń kásipkerler bul sanattaǵy azamattardan qoryqpaı, olar úshin jumys oryndaryn ashyp, jaýapkershilikti sezinýi tıis. Sebebi múmkindigi shekteýli azamattar úshin qoǵamnyń suranysyna ıe bolý - óte qatty jigerlendiredi. Búgingi tańda kóptegen jasosyndaı jobalardy qolǵa alyp, múmkindigi shekteýli jandarǵa arnalǵan trenıngterdi ótkizip, olarǵa jumys oryndaryn ashyp jatyr», - dedi E.Maşınskaıa.

Kásipker ózi jetekshilik etip otyrǵan keıterıngti kompanııa qoǵamdyq tamaqtandyrý salasynda jumys júrgizetinin aıtady. Kompanııada kórý jáne estý qabileti tómen azamattar jumys isteıdi.

Elena Maşınskaıa Prezıdentpen kezdesý barysynda bıznestiń osy túriniń qyr-syryn talqylaý úshin áleýmettik kásipkerler forýmyn ótkizý týraly bastama kóterilgenin atap ótti. Sonymen qatar forýmda basqa kásipkerler úshin úlgi bolarlyq jańa jobalardy tanystyrýǵa bolady. Kásipkerdiń pikirinshe, áleýmettik kásipkerlikke kórsetiletin memlekettik qoldaý júıeli bolýy tıis. Eń bastysy bılik áleýmettik kásipkerlerdiń únin tyńdaı bilýi kerek.

Eske salsaq, Memleket basshysy Qasym-Jomart Toqaev áleýmettik kásipkerlik ókilderimen kezdeskeni týraly buǵan deıin habarlaǵan bolatynbyz.