Prezıdent mindetine adal barsha ustazdarǵa zor alǵys aıtty

<p>&laquo;Mekteptiń qandaı bolmaǵy ustazǵa baılanysty&raquo;. Bul týraly Prezıdent Qasym-Jomart Toqaev respýblıkalyq pedagogter sezinde aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat</a> Aqordaǵa silteme jasap.</p>

«Jańa dáýirde mekteptiń jaǵdaıy memlekettiń damýyna tikeleı yqpal etedi. Al mekteptiń qandaı bolmaǵy ustazǵa baılanysty. Búginde pedagogıka salasy ǵylymnyń eń mańyzdy tarmaǵynyń birine aınaldy. Sondyqtan, bul salaǵa túbegeıli jańa kózqaras qajet. Zamanaýı tehnologııanyń kómegimen bilim berý júıesin jedel ári tıimdi jańǵyrtýǵa bolady. Biz bilim salasyn eń úzdik halyqaralyq standarttarǵa saı damytýymyz kerek», - dedi Memleket basshysy.

Prezıdent mindetin adal atqaryp kele jatqan ustazdarǵa alǵys aıtty.

«Ustazy talantty bolsa, shákirti talapty bolady» deıdi. Muǵalimderdiń qajyrly eńbegi jáne oqýshylardyń daryny men talaby naqty jemisin berýde. Órenderimiz shırek ǵasyrda álemniń eń bedeldi pán olımpıadalarynan 12 myńǵa jýyq medal ıelendi. Bul – Izraıl, Túrkııa, Kanada sııaqty bilim sapasy joǵary memlekettermen shamalas kórsetkish. Osynyń bári – sizderdiń tabandy eńbekterińizdiń arqasy. Men túrli qıyndyqqa qaramastan, mindetin adal atqaryp kele jatqan barsha ustazdarǵa zor alǵysymdy aıtamyn», - dedi Qasym-Jomart Toqaev.

Aıta ketsek, búgin Qazaqstanda Ustazdar kúni. 

Prezıdent Qasym-Jomart Toqaev respýblıkalyq pedagogter sezinde sóz sóıledi.