Prezıdent: Myzǵymas dostyq pen baýyrlastyqty bekemdeı túsý – qazaq-ózbek eliniń ortaq maqsaty

<p>ASTANA. KAZINFORM &mdash; Myzǵymas dostyq pen baýyrlastyqty bekemdeı túsý &ndash; qazaq-ózbek eliniń ortaq maqsaty. Bul týraly Aqordada ótip jatqan Qazaqstan-Ózbekstan joǵary memleketaralyq keńesiniń birinshi otyrysynda Memleket basshysy Qasym-Jomart Toqaev aıtty.</p>

«Jańa ǵana qurmetti Shavkat Mıromonovıch Mırzıeevpen shaǵyn quramda kelissóz ótkizdik. Birqatar mańyzdy máseleni talqyladyq. Bul kelissózder ashyq ári ózara qoldaý rýhynda ótti. Biz qarym-qatynasymyzdy odan ári keńeıtýge múddeli ekendigimizdi taǵy da rastadyq. Maqsat-mindetterimizdi aıqyndadyq», — dedi Prezıdent.

Qasym-Jomart Toqaev ǵasyrlar boıy qalyptasqan myzǵymas dostyq pen baýyrlastyqty bekemdeı túsý, ózara tıimdi yntymaqtastyqty jańa beleske kóterý — eki eldiń ortaq maqsaty ekendigin basa aıtty.

«Ekijaqty yqpaldastyqty damytý úshin búgingi keńestiń otyrysy óte mańyzdy. Qabyldanatyn sheshimderdiń de strategııalyq máni bar. Men Joǵary memleketaralyq keńestiń jumysy qazaq-ózbek qatynastaryn damytýǵa tyń serpin beredi dep senemin», — dedi Memleket basshysy.