Prezıdent memleket jáne qoǵam qaıratkeri Anar Jaıylǵanovanyń otbasyna kóńil aıtty

<p>ASTANA. KAZINFORM — Prezıdent Qasym-Jomart Toqaev memleket jáne qoǵam qaıratkeri Anar Nuralyqyzy Jaıylǵanovanyń dúnıeden ótýine baılanysty otbasy men jaqyn týystaryna kóńil aıtý jedelhatyn joldady.</p>

— Anar Nuralyqyzy eseli eńbek etip, elimizdiń órkendeýine bar kúsh-jigerin jumsady. Kóptegen ıgi iske atsalysyp, ózin bilikti maman retinde kórsete bildi. Naǵyz memlekettik qyzmetshige tán qalpymen abyroıly qyzmet atqarǵan Anar Nuralyqyzynyń esimi men beınesi umytylmaıdy. Marqumnyń ımany salamat, jany jánnatta bolsyn, — dep jazylǵan jedelhatta.

Eske sala keteıik, buǵan deıin Memlekettik qyzmet isteri agenttiginiń burynǵy tóraǵasy Anar Jaıylǵanovanyń ómirden ótkenin habarlaǵan edik.