Prezıdent memleket qaıratkeri Eleýsin Saǵyndyqovty qabyldady

<p>Qasym-Jomart Toqaev memleket qaıratkeri Eleýsin Saǵyndyqovty qabyldady, dep habarlaıdy <a href="https://kaz.inform.kz/" target="_blank" rel="noopener">QazAqparat</a> Aqordaǵa silteme jasap.&nbsp;</p>

Memleket basshysy uzaq jyldar boıy ártúrli joǵary laýazymdy memlekettik qyzmet atqarǵan eńbek ardageri Eleýsin Saǵyndyqovpen kezdesip, eldiń damýy jóninde pikir almasty.

Eleýsin Saǵyndyqov Prezıdenttiń bastamasymen Qazaqstanda júrgizilip jatqan saıası-ekonomıkalyq reformalarǵa qoldaý bildirdi.

Sondaı-aq Memleket basshysynyń bıylǵy «Ádiletti Qazaqstannyń ekonomıkalyq baǵdary» atty Qazaqstan halqyna Joldaýynda aıtylǵan negizgi mindetterdi júzege asyrýǵa, atap aıtqanda óńirlerdiń damýyndaǵy basymdyqtardy aıqyndaýǵa, sondaı-aq jergilikti jáne ortalyq atqarýshy organdardyń jumysyn jetildirýge qatysty usynystaryn jetkizdi.