Prezıdent Májilistegi saıası partııalar fraktsııalarynyń jetekshilerimen keńes ótkizdi

ASTANA. QazAqparat - Prezıdent Qasym-Jomart Toqaev Qazaqstan Respýblıkasy Parlamenti Májilisindegi saıası partııalar fraktsııalarynyń jetekshilerimen keńes ótkizdi, dep habarlaıdy QazAqparat Aqordanyń resmı saıtyna silteme jasap.

Kezdesýde Memleket basshysy Konstıtýtsııanyń 44-babyna sáıkes Premer-Mınıstr laýazymyna usynylatyn kandıdatýra jóninde fraktsııa basshylarymen keńesýge tıis ekenin aıtty.

Talqylaýǵa «Amanat» partııasy fraktsııasynyń jetekshisi Elnur Beısenbaev, «Aýyl» partııasy fraktsııasynyń jetekshisi Anas Baqqojaev, «Aq jol» partııasy fraktsııasynyń jetekshisi Azat Perýashev, «Respublica» partııasy fraktsııasynyń jetekshisi Aıdarbek Hodjanazarov, Qazaqstan Halyq partııasy fraktsııasynyń jetekshisi Magerram Magerramov, Jalpyulttyq sotsıal-demokratııalyq partııasy fraktsııasynyń jetekshisi Ashat Raqymjanov qatysty.

Osyǵan deıin «AMANAT» partııasy Premer-Mınıstr laýazymyna Álıhan Smaıylovty usynǵany habarlandy.