Prezıdent maqalasynda Ustaz mártebesin kóterýge aıryqsha nazar aýdarylǵan - Aıgúl Muqasheva
«Prezıdent Qasym-Jomart Toqaevtyń «Egemen Qazaqstan» gazetinde jaryq kórgen «Abaı jáne HHІ ǵasyrdaǵy Qazaqstan» maqalasynda elimizde bilim berý salasyn zamanǵa saı damytýymyz kerektigin atap ótti. Bul rette salada aýqymdy jumystar atqarylǵanymen, otandyq bilim berý isinde áli de olqy tustar baryn tilge tıek etti», -deıdi Aıgúl Muqasheva.
«Pedagog mártebesi týraly» zańnyń qabyldanýy – osy baǵyttaǵy ıgi bastamalardyń biri. Bul – sapaly bilim berý isin jetildirýge arnalǵan qadam. Jalpy, kez kelgen qoǵamda ustazdyń orny bólek. Muǵalimder bilimdi ári sanaly urpaq tárbıeleý isinde asa mańyzdy ról atqarady. Ustazǵa qurmet kórsetip, qadirleý – bárimizdiń mindetimiz. Sondyqtan memleket muǵalim mamandyǵynyń mártebesin kóterip, alańsyz jumys isteýine jaǵdaı jasaýy kerek» -, delingen maqalada.
«Prezıdenttiń Ustaz mártebesin kóterýge osylaı aıryqsha nazar aýdarǵany jańadan qabyldanǵan «Pedagog mártebesi týraly» zańymyzdy iske asyrý kezinde asa mańyzdy dep esepteımin. Salalyq bilim kásipodaǵy Prezıdent tapsyrmasynyń oryndalýy maqsatynda júıeli jumys júrgizedi» -, deıdi Qazaqstandyq salalyq bilim jáne ǵylym qyzmetkerleri kásipodaǵynyń tóraıymy.
Foto: edu-tradeunion.kz