Prezıdent maqalasynda Abaı murasyna taǵy da zeıin qoıý qajettigine erekshe toqtalǵan - Darııa Qojamjarova
Darııa Qojamjarovanyń sózinshe, Memleket basshysynyń uly aqyn, dana oıshyl, qazaqtyń jańa tarıhı dáýirdegi realıstik jazba ádebıetiniń atasy Abaı jaıly kólemdi maqalasy azamattarǵa, ásirese, jastarǵa memleketti syılaýdyń mán-mańyzyn túsindiredi. Abaıdyń murasyna taǵy da zeıin qoıǵan abzal ekendigine erekshe toqtalyp ótedi.
«Qazaq halqynyń ult ustazy Abaı (Ibrahım) óz halqymen birge mine HHІ ǵasyr mejesine jetip, el-jurtymen birge emen-jarqyn jasap jatyr. Ózi kezinde aıtqandaı: «Óldi deýge bola ma, aıtyńdarshy, Ólmeıtuǵyn artyna sóz qaldyrǵan» degen shaıyrdyń ózi joq bolsa da sózi qaldy. Asyl sóz ólmeıdi. Asyl sóz aıta alǵan adam da, asyly ólmek emes. Kezinde Abaıdyń shyǵarmashylyq ómirin qunttap, keıingi urpaq úshin altyn sandyqqa salyp, amanat qyp berip ketken M.Áýezov óziniń ataǵy álemge jaıylǵan «Abaı joly» roman-epopeıasynda: «Altyn terek, arsyǵa qulash urǵan ardaqty azamat, sen ólmeısiń! Elińniń jalǵyz jan, eń sońǵy uly ma, qyzy ma, eń keıingi násili birde-bir jan bolsa, sonyń da keýdesinde seniń atyń birge ketedi. Seniń tirligiń birge jasaıdy, seniń nuryń birge jarqyraıdy! Aldyń jarqyn, óziń solaı senip eń… Ana jurtyń seni óldi demeıdi…» dep aıtyp ketken bolatyn»,- deıdi Darııa Qojamjarova.
Rektordyń aıtýynsha, búginde OQMÝ ǵalymdary Abaıdyń jurtqa beımálim keıbir týyndylaryn zerttep júr. Óıtkeni Abaıdy tereń tanýǵa basa mán berý arqyly adamnyń ózin-ózi tanýyna bolady. Adamnyń ózin-ózi tanýy jáne únemi damyp otyrýy, ǵylymǵa, bilimge basymdyq berýi – kemeldiktiń kórinisi ispettes.