Prezıdent Mádenıet jáne aqparat mınıstri Aıda Balaevany qabyldady

<p>ASTANA. KAZINFORM - Memleket basshysy Mádenıet jáne aqparat mınıstri Aıda Balaevany qabyldady, dep habarlaıdy Aqordanyń baspasóz qyzmeti.</p>

Prezıdentke Mádenıet jáne aqparat mınıstrliginiń atqarǵan jumystarynyń nátıjesi, sondaı-aq vedomstvonyń aldaǵy qyzmeti barysynda qoldanylatyn perspektıvti tásilder jóninde baıandaldy.

Qasym-Jomart Toqaevqa aqparat, mádenıet, kreatıvti ındýstrııa, azamattyq qoǵam, din, etnosaralyq qarym-qatynas, jastar jáne otbasylyq-demografııalyq saıasat salalarynda qabyldanyp jatqan sharalar týraly málimet berildi.

Aıda Balaeva vedomstvonyń jetekshilik etetin salalaryn damytýǵa qatysty josparyn aıtty.

Kezdesý sońynda Memleket basshysy mınıstrlikke mádenı-tarıhı nysandardyń ınfraqurylymyn damytý, shyǵarmashylyqty qoldaý, Qazaqstannyń mádenıetin shetelde dáripteý sekildi birqatar naqty mindet júktedi. Budan bólek, kreatıvti ındýstrııany ınstıtýtsıonaldyq turǵyda qoldaý jáne atalǵan salany jedel damytý jumystaryn jandandyrý tapsyryldy.