Prezıdent qyzmetin bermeı, jyldar boıy otyratyn sheneýnikterdi synǵa aldy
«Memlekettik basqarý salasyna da keshendi reforma kerek. Atalǵan salaǵa tán birneshe problema bar. Ol kadrlyq potentsıaldyń tómendigi, jemqorlyq, formaldylyq jáne kadr tapshylyǵy men turaqtamaýy. Sondyqtan da halyqtyń memlekettik basqarý men bılikke degen senimi tómen. Osy oraıda memlekettik qyzmetke alý talabyn jetildirý qajet. Qyzmetke alý talabynyń artyq, kerek emes tustaryn alyp tastaý kerek jáne memlekettik qyzmetke kelgisi keletinder úshin esh kedergi bolmaýy tıis», – dedi Qasym-Jomart Toqaev Májilis otyrysynda.
Memleket basshysynyń aıtýynsha, memlekettik qyzmetke irikteý ádil ári joǵary deńgeıde ótýi tıis.
«Elge qyzmet etemin degen kez kelgen qazaqstandyq úshin memlekettik qyzmet ashyq bolǵany jón. Sondaı-aq, memlekettik qyzmetten ketý protsesin de qaıta qaraý kerek. Óıtkeni, keıbir sheneýnikter kabınetinde jyldaryn ótkizedi. Olar jas mamandardyń órkendeýine jol bermeı, memlekettik apparattyń tıimdiligin tómendete túsýge áserin tıgizýde. Ondaı sheneýniktermen qoshtasý kerek. Degenmen memlekettik basqarý salasynda sheneýniktiń ınstıtýtsıonaldyq jady da mańyzdy. ıAǵnı bir kúnge búkil sheneýnikti alyp tastap, olardy jastarǵa aýystyrý da jón emes. Bul jerde salmaqty sheshim qajet. Eger 60 jastaǵy sheneýnik óz qyzmetin oıdaǵydaı atqaryp, memleketke paıdasyn tıgizip otyrsa ondaı mamanǵa tıispeý kerek», - deıdi ol.
Sondaı-aq, Prezıdent Úkimet pen memlekettik qyzmet jónindegi agenttikke memlekettik basqarýdyń jańa mehanızmin ázirleýdi tapsyrdy.