Prezıdent kvazımemlekettik sektor sýbektilerin qurýǵa moratorıı engizdi

NUR-SULTAN. QazAqparat - Qazaqstan Prezıdenti kvazımemlekettik sektor sýbektilerin qurýǵa moratorıı engizý týraly Jarlyqqa qol qoıdy. Bul týraly Aqordanyń resmı saıty habarlady.

***

Kvazımemlekettik sektor sýbektilerin qurýǵa moratorıı engizý týraly

Memlekettiń kásipkerlik qyzmetke qatysýyn qysqartý jáne jekeshe sektordy damytýǵa jaǵdaı jasaý maqsatynda QAÝLY ETEMІN:

1. 2020 jylǵy 31 jeltoqsanǵa deıin kvazımemlekettik sektor sýbektilerin qurýǵa moratorıı engizilsin, oǵan mynalar:

1) qyzmetin áleýmettik salada jáne (nemese) eldi mekenderdiń tynys-tirshiligin qamtamasyz etý salasynda júzege asyratyn zańdy tulǵalar;

2) jumys istep turǵan zańdy tulǵalardy qaıta uıymdastyrý (biriktirý nemese qaıta qurý) jolymen ońtaılandyrý sheńberinde qurylatyn zańdy tulǵalar;

3) jarǵylyq kapıtalynda daýys beretin aktsııalarynyń elý jáne odan da az protsenti (qatysý úlesi) kvazımemlekettik sektor sýbektilerine tıesili bolatyn aktsıonerlik qoǵamdar (jaýapkershiligi shekteýli seriktestikter);

4) Qazaqstan Respýblıkasy Prezıdentiniń tapsyrmasy jáne (nemese) kelisimi boıynsha qurylatyn zańdy tulǵalar qosylmaıdy.

2. Qazaqstan Respýblıkasynyń Úkimeti jergilikti atqarýshy

organdarmen jáne kvazımemlekettik sektor sýbektilerimen birlesip, sondaı-aq Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdar osy Jarlyqty iske asyrý boıynsha qajetti sharalar qabyldasyn.

3. Osy Jarlyq alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q.Toqaev

Nur-Sultan, Aqorda, 2019 jylǵy 3 shilde

№ 51