Prezıdent Kýveıt Memleketiniń jańa Ámirine kóńil aıtý jedelhatyn joldady

<p>Prezıdent Qasym-Jomart Toqaev Kýveıt Ámiri sheıh Naýýaf ál-Ahmad ál-Djaber as-Sabahtyń dúnıeden ozýyna baılanysty Kýveıt Memleketiniń jańa Ámiri sheıh Mıshaal ál-Ahmad ál-Djaber as-Sabahqa jáne Kýveıt halqyna kóńil aıtty. Bul týraly <a href="https://kaz.inform.kz/" target="_blank" rel="noopener">Kazinform</a> Aqordaǵa silteme jasap habarlady.&nbsp;</p>

– Kýveıt Memleketiniń Ámiri sheıh Naýýaf ál-Ahmad ál- Djaber as-Sabahtyń dúnıeden ozǵany týraly sýyt habardy tereń kúızelispen qabyl aldym. Sheıh Naýýaf – ómirin Kýveıttiń ósip-órkendeýine jáne halqynyń baıandy bolashaǵyn qamtamasyz etýge, aımaqtaǵy beıbitshilik pen turaqtylyqty saqtaýǵa arnaǵan tulǵa. Qazaqstan halqy ony parasatty basshy, halyqaralyq deńgeıdegi bedeldi saıasatker, ekijaqty yntymaqtastyqty nyǵaıtýǵa zor eńbek sińirgen tarıhı qaıratker retinde árdaıym esinde saqtaıdy. Qaraly sátte Sizge jáne áýletińizge, sondaı-aq barsha otandasyńyzǵa Qazaqstan halqynyń jáne jeke ózimniń atymnan kóńil aıtyp, qaıǵylaryńyzǵa ortaqtasamyn, – dep jazylǵan jedelhatta.