Prezıdent qutqarýshylarmen jáne eriktilermen kezdesti

SEMEI. QazAqparat - Qasym-Jomart Toqaev Tótenshe jaǵdaılar jónindegi jedel shtabtyń otyrysynan keıin órt sóndirýge jumyldyrylǵan qutqarýshylarmen jáne eriktilermen kezdesti, dep habarlaıdy QazAqparat.

«Barshańyzǵa alǵys aıtamyn. Eriktiler, sizderge de rızamyn. Jaraısyzdar. Sizderdiń sińirgen eńbekterińiz memleket tarapynan eleýsiz qalmaıdy.

Úlken apat boldy. 14 adam qaza tapty. Jańa ǵana azamattarmen kezdestim. Óte aýyr jaǵdaı. Sondyqtan osyndaı qasiretti apat kezinde bárimiz bir halyq, bir ult bolyp birge jumys isteýimiz kerek.

Jańa ǵana keńes ótti. Uıymdastyrý sharalaryn talqyladyq. Eń bastysy, biz osy tótenshe jaǵdaıdy, ásirese órtti adam shyǵynyna jol bermeı, ýaqytyly, tez aýyzdyqtaı bilýimiz kerek. Aman bolyńyzdar, – dedi Prezıdent.