Prezıdent kúshtik qurylymdardyń jumysyn qaıta qurý qajettigin aıtty

NUR-SULTAN. QazAqparat – Qarýly kúshterimizdiń, quqyq qorǵaý qurylymdarymyzdyń jumysyn qaıta qurý qajet. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Ulttyq qaýipsizdikti qamtamasyz etýdiń barlyq júıesin túbegeıli qaıta qurý syndy strategııalyq mindetke erekshe toqtalǵym keledi. Qarýly kúshterimizdiń, quqyq qorǵaý qurylymdarymyzdyń, Ulttyq qaýipsizdik organdarymyzdyń, syrtqy barlaý qyzmetterimizdiń jumysyn qaıta qurý qajet. Olardyń barlyǵy bir maqsat – kez kelgen sıpattaǵy jáne aýqymdaǵy qater kezinde azamattarymyzdy, konstıtýtsııalyq qurylymdy, egemendikti barynsha tıimdi qorǵaý úshin jumyla jumys isteýi tıis. Muny memleketimizdiń túbegeıli múddesi talap etedi», - dedi Májilis otyrysyna beınebaılanys arqyly qatysqan Qazaqstan Prezıdenti.