Prezıdent kúnine oraı bes eldiń áýesqoı tennısshileri baq synaıdy
Jalpy, Belarýs, Reseı, Ispanııa, Ózbekstan jáne Qazaqstannan, barlyǵy 104 áýesqoı tennısshileri jarysqa kelgen.
«Qazaqstan Prezıdenti Nursultan Nazarbaevtyń saıasatynyń arqasynda tennıs qana emes, ózge de sport túrleri damyp keledi. 25 jyl ishinde Qazaqstan álem sportynda óziniń ornyn alyp úlgerdi», - deıdi Qazaqstan quramasynyń kapıtany Dıas Dosqaraev.
Onyń aıtýynsha, sońǵy on jyl ishinde elimiz boıynsha 100 jabyq kort, 12 aımaqta tennıs ortalyqtary ashylǵan.
«Bir aptadan keıin saltanatty túrde Atyraý qalasynda jańa tennıs ortalyǵyn ashamyz. Osylaısha, Qazaqstan boıynsha tennıs ortalyǵy joq bir aımaq qana bar. Ol - Soltústik Qazaqstan oblysy. Degenmen, bir aptadan keıin Petropavl qalasynda da tennıs ortalyǵy ashylmaq», - dep habarlady D.Dosqaraev.
Uıymdastyrýshylardyń aıtýynsha, jarysqa qatysyp jatqan sportshynyń eń úlkeni - 65 jastaǵy áýesqoı tennısshi eken.