Prezıdent kýbogy: Mıhaıl Kýkýshkın jartylaı fınaldan tys qaldy

ASTANA. QazAqparat – Qazaqstandyq, álemniń 229-raketkasy Mıhaıl Kýkýshkın elordada Prezıdent kýbogy úshin ótip jatqan chellendjer týrnıriniń jartylaı fınalyna shyǵa almady, dep habarlaıdy QazAqparat tilshisi.

Jarystyń 1-raketkasy bolyp tirkelgen qazaqstandyq tennısshi shırek fınalda dúnıejúzilik reıtıngte 570-satydaǵy reseılik Evgenıı Karlovskıımen oınady.

Birinshi partııada breık jasaǵan reseılik sportshy sol basymdylyǵyn saqtap qaldy – 6:4. Ekinshisinde M.Kýkýshkın dál sondaı eseppen ese qaıyrdy – 6:4. Alaıda sheshýshi, úshinshi sette E.Karlovskıı tyń kórindi – 6:2.

Eki saǵat 23 mınýtqa sozylǵan tartysty báseke barysynda M.Kýkýshkın 2 eıs jasap, 8 breık-poınttyń ekeýin ǵana óz esebine jazdy. Qarsylasy 3 eıs, 4 breıkpen (14 breık-poınt) kózge tústi.

Osylaısha, Astana dodasynda jartylaı fınalǵa shyqqan barlyq tennısshiler anyqtaldy. E.Karlovskıı reıtıngte 550-oryndaǵy ózbekstandyq Hýmaıýn Sultanovpen sheberlik baıqasady. Al qazaqstandyq Denıs Evseevtiń qarsylasy – túrkııalyq ıAnkı Erel.

D.Evseev juptyq synda da jarysty jalǵastyryp jatyr.

Eske sala keteıik, budan buryn Anna Danılınanyń Gambýrg týrnıriniń fınalyna shyqqanyn jazǵan bolatynbyz.

Aleksandr Nedovesov Horvatııadaǵy jarystyń jartylaı fınalyna shyǵa almady.

Prezıdent kýbogynda Denıs Evseev jartylaı fınalǵa joldama aldy.