Prezıdent kýbogy: Denıs Evseev shırek fınalǵa shyqqandar qataryna qosyldy

ASTANA. QazAqparat – Qazaqstandyq tennısshi, álemniń 412-raketkasy Denıs Evseev elordada Prezıdent kýbogy úshin ótip jatqan chellendjer týrnıriniń shırek fınalyna shyqty, dep habarlaıdy QazAqparat tilshisi.

Jarystyń 3-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngte 622-orynda turǵan Izraıl ókili Orel Kımhımen sheberlik baıqasty.

Bir saǵattan astam ýaqytqa sozylǵan matchta Denıs Evseev 7:5, 6:1 esebimen jeńiske jetti. Ol 1 eıspen birge 7 breık-poınttyń altaýyn paıdalandy.

D. Evseev jartylaı fınalǵa shyǵý úshin reıtıngte 657-satydaǵy belorýssııalyq Aleksandr Zgırovskıımen talasady.

Taǵy bir qazaqstandyq, 19 jastaǵy Islam Orynbasar dodanyń 2-raketkasy, zımbabvelik Bendjamın Lokqa jol berdi – 2:6, 3:6.

Osylaısha, Astanadaǵy jarystyń shırek fınalynda jekeleı synda Qazaqstannan Mıhaıl Kýkýshkın men Denıs Evseev óner kórsetedi.

Eske sala keteıik, budan buryn Aleksandr Nedovesovtiń Horvatııadaǵy jarystyń shırek fınalyna shyqqanyn jazǵan bolatynbyz.

Sondaı-aq Beıbit Juqaev Ekvadordaǵy týrnırdiń shırek fınalyna ótti.