Prezıdent kýbogy: Shaıbaly hokkeıde Qazaqstan olımpıadalyq quramasy «Ladadan» jeńilip qaldy

<p>ASTANA. KAZINFORM - Búgin shaıbaly hokkeıden 2024 jylǵy Qazaqstan Prezıdenti kýbogynda Qazaqstan olımpıadalyq quramasy alǵashqy oıynyn Reseıdiń &laquo;Lada&raquo; komandasyna qarsy ótkizdi.</p>

Kezdesýde qazaqstandyq hokkeıshiler qarsylasyna 1:7 esebimen ese jiberip qoıdy. Endi olar 15 tamyzda «Baryspen» sheberlik baıqasady. 

Aıta ketsek, halyqaralyq týrnırde Qazaqstan olımpıadasy men «Barystan» ózge reseılik «Amýr» (Habarovsk) men «Lada» (Tolıattı) synǵa túsedi.

Qazaqstandyq hokkeıshiler fınaldyq olımpıadalyq irikteý oıyndarynda Slovakııanyń Bratıslava qalasynda 29 tamyz-1 qyrkúıek aralyǵynda Avstrııa, Vengrııa jáne Slovakııa quramalarymen oınaıdy.

Shaıbaly hokkeıden Qazaqstan olımpıadalyq quramasyn QR Prezıdenti kýbogyna Oleg Bolıakın daıyndady. Oǵan Georgıı Vereşagın, Talǵat Jaılaýov, Pavel Bessonov kómekshilik jasady.

Prezıdent kýbogynda toptyq kezeńdegi oıyndar 14-17 tamyz aralyǵynda ótse, 18 tamyzda 3-oryn úshin oıyn men fınal ótedi.

Al elordalyq «Barys» sapynda atalǵan týrnırde sheteldik hokkeıshilermen birge qazaqstandyq jas hokkeıshiler sheberligin kórsetýge múmkindik alyp otyr. Kóptegen hokkeıshi Qazaqstan olımpıadalyq quramasyna shaqyrtý alýyna baılanysty týrnırge klýb júıesindegi jas oıynshylar shaqyrtý alǵan.