ASTANA. KAZINFORM — Qazaqstandyqtar Arýjan Saǵyndyqova men Ekaterına Dmıtrıchenko juptyq synda Prezıdent kýbogy úshin ITF serııasy boıynsha Astanada ótip jatqan W15 týrnıriniń jartylaı fınalynda oınaıdy.
Qazaqstandyq jup shırek fınalda jarystyń 2-raketkalary, reseılikter Ekaterına Maklakova — Darıa Zelınskaıanyń meselin qaıyrdy.
Búgin Arýjan men Ekaterına jekeleı synda qarsylastarynan utylyp qalǵan bolatyn. Soǵan qaramastan, juptyq synda jeńis úshin baryn saldy.
Birinshi partııada favorıt sanalǵan reseılik dýet aıqyn basymdylyq tanytty — 6:1.
Esesine ekinshi sette Saǵyndyqova — Dmıtrıchenko qarymta qaıyrdy — 6:2. Sodan keıin sýper taı-breıkte des bermedi — 10:7.
Arýjan Saǵyndyqova — Ekaterına Dmıtrıchenko fınalǵa shyǵý úshin ózbekstandyqtar Nıgına Alımova — Sabrına Olımjanovamen talasady.
Ótken aptada elordada dál osyndaı dodada juptyq synda Asyljan Arystanbekova men Іńkár Dúısebaı chempıon atanǵan edi.
Eske sala keteıik, budan buryn Prezıdent kýbogynda Asyljan Arystanbekovanyń shırek fınalǵa ótkenin jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).