Prezıdent kýbogy: Qazaqstan olımpıadalyq quramasy fınalda «Ladamen» oınaıdy
17 tamyzda qazaqstandyq hokkeıshiler Reseıdiń «Amýr» komandasyn 3:1 esebimen tize búktirdi. El quramasynan Mıhaıl Rahmanov, Andreı Býıalskıı ı Kırıll Panıýkov mergendik tanytsa, oǵan reseılik klýbtan Aleksandr Bryntsev bir golmen jaýap qaıyrdy.
Al elordalyq «Barys» «Lada» klýbyna 3:4 esebimen ese jiberdi.
Nátıjesinde «Lada» 6, Qazaqstan olımpıadalyq quramasy 4, «Barys» 3 upaı jınasa, «Amýr» birde-bir upaıǵa ıe bola alǵan joq.
Endi fınalda 18 tamyzda Qazaqstan olımpıadalyq quramasy men Reseıdiń «Lada», 3-oryn úshin «Barys» pen «Amýr» kezdesedi.
Qazaqstandyq hokkeıshiler fınaldyq olımpıadalyq irikteý oıyndarynda Slovakııanyń Bratıslava qalasynda 29 tamyz-1 qyrkúıek aralyǵynda Avstrııa, Vengrııa jáne Slovakııa quramalarymen oınaıdy.
Al budan keıin 20-25 tamyz aralyǵynda Reseıdiń Omby qalasynda ótetin «Blınov Kýbogy» maýsymaldy týrnırinde baq synaıdy. Olar Reseıdiń «Lokomotıv» (ıAroslavl), «Sıbır» (Novosibir), «Traktor» (Chelıabi) jáne «Avangard» (Omby) ujymdaryna qarsy oınaıdy.