Prezıdent kýbogy: Qazaqstan quramasy «Barystan» basym tústi

<p>ASTANA. KAZINFORM - Qazaqstan olımpıadalyq quramasy shaıbaly hokkeıden QR Prezıdenti kýbogynda elordalyq &laquo;Barys&raquo; komandasynan basym tústi.</p>

Alǵashqy týrda qazaqstandyq hokkeıshiler Reseıdiń «Lada» (Tolıattı) komandasyna ese jibergen edi. Sondyqtan búgingi kezdesýde olar jeńiske jetý jolyn izdedi.

Al birinshi oıynynda «Barys» Reseıdiń «Amýr» (Habarovsk) klýbyn 2:1 esebimen tize búktirdi.  

Oıyn barysynda alǵashqy mınýttan elimizdiń olımpıadalyq quramasynyń belsendiligi baıqalyp turdy. Nátıjesinde olardyń qatarynan 6-mınýtta Edýard Mıhaılov esep ashsa, 20-mınýtta Kırıll Panıýkov basymdyqty arttyrdy.

Al Álıhan Ásetov 38-mınýtta mergendik tanytsa, 46-mınýtta Rýslan Ospanov 46, Roman Starchenko 57-mınýtta kózdegen nysanadan múlt ketken joq.

Osylaısha Qazaqstan olımpıadalyq quramasy «Barystan» 5:0 esebimen basym tústi. 

Endi 17 tamyzda Qazaqstan quramasy men «Amýr». «Barys» - «Lada» oınasa, 18 tamyzda 3-oryn úshin oıyn men fınal ótedi.

Qazaqstandyq hokkeıshiler fınaldyq olımpıadalyq irikteý oıyndarynda Slovakııanyń Bratıslava qalasynda 29 tamyz-1 qyrkúıek aralyǵynda Avstrııa, Vengrııa jáne Slovakııa quramalarymen oınaıdy.

Shaıbaly hokkeıden Qazaqstan olımpıadalyq quramasyn QR Prezıdenti kýbogyna Oleg Bolıakın daıyndady. Oǵan Georgıı Vereşagın, Talǵat Jaılaýov, Pavel Bessonov kómekshilik jasady.