Prezıdent: Qoı júninen de tyńaıtqysh alýǵa bolady

<p>ASTANA. KAZINFORM &ndash; Memleket basshysy Qasym-Jomart Toqaev aýyl sharýashylyǵy qyzmetkerleriniń birinshi forýmynda eldegi tyńaıtqysh óndirisiniń kólemin jylyna 7 mln tonnaǵa deıin jetkizý josparda bar ekenin aıtty.</p>

«Bizde mıneraldy tyńaıtqyshtar az qoldanylady. Bul – otandyq agrosektordaǵy ózekti másele. Bıyl egis alqaptaryna burynǵydan eki ese kóp tyńaıtqysh sebildi. Bul – ǵylymı turǵydan qajet tyńaıtqyshtyń 41 paıyzy degen sóz. Jalpy jumys qarqyny jaman emes. Biraq biz agrotehnologııasy damyǵan ozyq elderdiń deńgeıine umtylýymyz qajet. Sondyqtan ımportqa táýeldi bolýdy azaıtý kerek. Ózimizde shyǵarylatyn tyńaıtqyshtar aýyl sharýashylyǵyn tolyq qamtamasyz etpeıdi, suranystyń jartysyn ǵana óteıdi», - dedi Qasym-Jomart Toqaev.

Memleket basshysy elimizde quny 4 mıllıard dollar bolatyn aýqymdy ınvestıtsııalyq jobalar júzege asyrylyp jatqanyn eske saldy.

«Sonyń arqasynda 7 mıllıon tonna mıneraldy tyńaıtqysh óndirilmek. Osylaısha biz ishki naryqty tolyq qamtamasyz etemiz, al artyǵyn eksportqa shyǵarýǵa múmkindik týady. Budan bólek organıkalyq tyńaıtqysh óndirisin damytý mańyzdy. Halyqaralyq tájirıbege qarasaq, qoıdyń júnin sýarmaly jerge tyńaıtqysh retinde tıimdi paıdalanýǵa bolady», - dedi Qasym-Jomart Toqaev.