Prezıdent Qorǵanys mınıstri Rýslan Jaqsylyqovty qabyldady

<p>Kezdesý barysynda Prezıdent &ndash; Qazaqstan Respýblıkasy Qarýly Kúshteriniń Joǵarǵy Bas qolbasshysy Qasym-Jomart Toqaevqa qorǵanys vedomstvosynyń bıylǵy atqarǵan jumysynyń qorytyndysy jáne áskerdiń jaýyngerlik daıyndyǵyna qatysty jańa tásilder, oqý bazasy men polıgondardyń jaı-kúıi týraly baıandaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Sonymen qatar memlekettik qorǵanys tapsyrysyn oryndaý máselesine, ushqyshsyz ushatyn ushaq keshenderin, áýe shabýylyna qarsy qorǵanys áskerleriniń qarý-jaraǵyn, jańǵyrtylǵan brondy tehnıka men baılanys quraldaryn qosa alǵanda, avıatsııalyq tehnıkanyń jańa úlgilerimen qamtamasyz etýge erekshe nazar aýdaryldy.

Budan bólek, Prezıdentke azamattardy merzimdi áskerı qyzmetke shaqyrý barysy, áskerı qyzmetshilerdiń mártebesi men olarǵa beriletin aqshalaı qarajatty arttyrýǵa baǵyttalǵan sharalar týraly málimet berildi.

Qasym-Jomart Toqaev BUU aıasynda júzege asyrylatyn mıssııalarǵa qatysý úshin qazaqstandyq bitimgerlik kontıngenttiń áleýetin arttyrý qajet ekenin atap ótti.

Kezdesý sońynda Memleket basshysy mınıstrge otandyq qorǵanys baǵytyndaǵy kásiporyndarmen yqpaldastyq jasaý, aýmaqtyq qorǵanysty jáne Arnaıy operatsııalarǵa qatysatyn kúshterdi damytý, áskerı-patrıottyq jumysty kúsheıtý jóninde birqatar mindet júktedi.