Prezıdent qordalanǵan túıtkildi máselelerdi sheshý joldaryn usyndy - Nurhat Orash

ORAL. QazAqparat – Memleket basshysy Qasym-Jomart Toqaev Parlament Májilisiniń otyrysynda jasaǵan málimdemesi qazaqstandyqtarǵa jaqsy ómir súrýge jańasha bir lep berdi. BQO jastar saıasaty máseleleri basqarmasynyń bólim basshysy Nurhat Orash osyǵan oraı óz pikir-paıymyn bildirdi, dep habarlaıdy QazAqparat tilshisi.

Onyń aıtýynsha, Prezıdent sózinde halyqtyń kókeıinde júrgen suraqtardyń kópshiligine jaýap berildi.

-Kólik aıdaıtyn kóp dostarym ýtılızatsııalyq alymǵa sonshama qarajat nege tóleımiz, bizdiń elde kólik baǵasy sondyqtan qymbat dep talqyǵa salyp júr edi, endi, mine, bul suraqtyń da sheshimi tabylǵandaı boldy. Kásibin bastaǵysy kelip júrgen jas dostarym «Atameken» beretin 505 myń teńge oılaǵan jobamyzǵa jetpeıdi dep edi. Endi, mine, onyń kólemin 400 AEK-ke deıin kóterdi. Arǵy jaǵynda kásibi órge domalamasa, úkimettiń kinási emes, ár azamattyń jeke isi, - deıdi ol.

N.Orashtyń sózine qaraǵanda, ózi tanıtyn azamattar 700 myń teńge aqshamen 1 mlrd teńge aınalymy bar kásipterin júrgizýde.

Qytaımen eki ortada kásip jasaıtyn dostary «Qorǵas» kedeni tóńiregi shekten shyǵyp ketken dep jıi aıtady eken.

Prezıdent bul jaǵdaıdy da nazardan tys qaldyrmaı, qatań qadaǵalaýǵa tapsyrma berdi. «Samuryq-Qazynada» ne degen bitpeıtin qarajat dep kóp suraq qoıylatyn edi, aldaǵy

ýaqytta bul kvazımemlekettik mekeme de úlken tekseriske ushyrap, qarjynyń tıimdi jumsalýy qadaǵalanatyn bolady.

Sońǵy kezde kóptegen sábı jazylýy qıyn dertterge tap bolyp, quny birneshe mıllıon turatyn ýkoldardy qajet etip júr edi. Memleket basshysy usynǵan «Qazaqstan

halqyna» qory osyndaı sábılerimizdiń emin aldaǵy ýaqytta kóteretin bolady.

«Meniń negizgi jumysym jastarmen tikeleı baılanysty bolǵannan soń «Jastar tájirıbesi» jáne «Alǵashqy jumys orny» baǵdarlamasy etene tanys. Bul baǵdarlamalar kóptegen jastyń turaqty jumysqa ornalasýyna mol septigin tıgizdi. Osy oraıda ózge salalarda jumys jasaıtyn tanystarymnyń «Sizder kontsert, KVN uıymdastyryp, máz-meıram bolyp júresizder» degen pikirine jaýap bergim keledi. Jastar saıasaty máseleleri basqarmasy – oń-solyn áli tanyp úlgermegen jastardy alǵashqy jumys ornyna joldaıtyn birden-bir organ.

Eldegi ınflıatsııaǵa baılanysty turǵyndarymyzdyń jalaqysyn kóterip otyrý týraly tapsyrma berildi, halyqtyń Prezıdentten kútken negizgi sózi osy bolǵan shyǵar, sebebi 100 myń teńge alatyn azamattyq qyzmetker de, 200 myń alatyn memlekettik qyzmetshi de jaqsy ómir súrýdi kózdeıdi. Óziniń jeke turǵyn úıi, kóligi bolǵanyn qalaıdy.

Eńbek demalysynyń qarajatyna qaryzyn jappaı, demalysqa jumsaǵysy keledi. Aldaǵy ýaqytta dál osylaı bolady dep senemin.

Málimdemege baılanysty túrli saladaǵy dostarymmen pikir almastym, barlyǵy Prezıdentimizdi qoldap otyr. Degenmen aıtylǵan sóz bar, jasalatyn is bar. Endigi kezekte bizderdiń tarapymyzdan da jaýapty sektorlarymyzda aıryqsha jaýapkershilikpen jumys jasap, eńbek etýimiz qajet. Eń bastysy, tyndyrar isimiz kóp bolsyn!», dep túıindedi oıyn

Nurhat Orash.

Eske sala keteıik, budan buryn Ádilgereı Zulharovtyń jańa Qazaqstandy qurýǵa atsalysý jastardyń boryshy ekendigi jóninde aıtqanyn jazǵan bolatynbyz.

Sondaı-aq Dýlat Júsipqalıv jastarǵa júkteler mindet kóp, senim de mol ekendigin jetkizdi.