Prezıdent qolynan marapat alǵan ustaz nege jylady

<p>TÚRKІSTAN. KAZINFORM — Memleket basshysynan marapat alǵan túrkistandyq ustazdyń ebil-debil jylaǵan vıdeosy áleýmettik jelide keńinen tarap ketti. 58 jastaǵy aǵylshyn tili pániniń muǵalimi Abıbýlla Jakýdaev qýanyshtan kóńili bosaǵandyqtan qasyndaǵy áriptesterin qushaqtap alǵan.</p>

Oqıǵa 5 qazan kúni boldy. QR Prezıdenti Qasym-Jomart Toqaev úzdik ustazdardy qabyldap, memlekettik nagrada tabystaǵan bolatyn. Solardyń qatarynda Túrkistan oblysy Ordabasy aýdanynda ornalasqan Sh. Ýálıhanov atyndaǵy mektep-gımnazııanyń muǵalimi Abıbýlla Jakýdaev ta bar. 

Foto: Aqorda

Memleket basshysynyń qolynan «Qazaqstannyń eńbek sińirgen ustazy» tósbelgisin alǵan muǵalim esikten shyǵarda ózin-ózi toqtata almaı kóz jasyna erik berdi.

Búgin Kazinform tilshisi Abıbýlla Jakýdaevqa habarlasyp, marapatymen quttyqtady. Sondaı-aq, saltanatty jıynnan alǵan áserin surady.

«Bul — qýanyshtyń kóz jasy. Sondaı-aq, men aldynda Memleket basshysynyń alǵys hatyn alǵanmyn. Eńbektiń baǵalanǵany eń úlken abyroı ǵoı. Qanshama ret memlekettik nagradaǵa usynylǵanymmen jolym bolmap edi. ıAǵnı, jolymdy kesýshiler kóp boldy. Al, búgin eńbegim joǵary baǵalanyp otyr. Sol sebepti bul qýanyshtyń kóz jasy» — dedi ustaz.

@kazinform_news 🏅Prezıdent qolynan marapat alǵan Túrkistan oblysy, Ordabasy aýdanynyń «Sh.Ýálıhanov atyndaǵy mektep-gımnazııasynyń» aǵylshyn tili pániniń muǵalimi Abıbýlla Jakýdaevtyń qýanyshy Pedagogıka salasynda 40 jyldan astam eńbek etken ustazdyń oqýshylary halyqaralyq, respýblıkalyq bilim shyńyn baǵyndyryp, búginde Túrkistan oblysyn kópke tanytyp keledi. Bilim salasyna ólsheýsiz úles qosqan aǵartýshy ustaz, bul kúni Memleket basshysynyń qolynan «Qazaqstannyń eńbek sińirgen ustazy» tósbelgisimen marapattaldy. #kazinform ♬ orıgınalnyı zvýk — Kazinform_

Abıbýlla Jakýdaev Sh. Ýálıhanov atyndaǵy mektep-gımnazııada 1983 jyldan beri qyzmet atqaryp keledi. 

«Pedagog-sheber» sanatyndaǵy izdenimpaz, shyǵarmashyl, jańashyl ustazdyń jalpy pedagogıkalyq ótili — 40 jyl 8 aı. 

Búginge deıin Memleket basshysynyń alǵys hatymen, «Qazaqstan bilim berý isiniń qurmetti qyzmetkeri», «Ybyraı Altynsarın» tósbelgilerimen jáne «Qurmet» gramotasymen marapattalǵan. 

Al, jelide taraǵan vıdeoǵa pikir jazýshylardyń kózqarasy ekige bólindi. Bir tarap «nege jylaıdy» dep tańqalyp jatsa, ekinshi tarap ustazdy quttyqtap jatyr. 

Olardyń arasynda «Bul kisi Prezıdent marapatyn alǵanyna emes, eńbeginiń elengenine kóńili bosap ketti», «40 jyl boıy aǵylshyn tilinen sabaq berip keledi. Eki qyzyn jalǵyz ózi asyrap baqqan áke. Densaýlyǵy nashar. Eńbegi elengendikten jylaıdy da», «Jaqsy kisi ekeni kórinip tur, myń jasasyn», «Ee, bizdiń aǵaı zvezda ǵoı», «40 jyl boıǵy eńbeginiń elengenine qýanyp jylap jibergen shyǵar, ustaz bolý ońaı emes» dep jazǵandar da bar.