Prezıdent qol qýsyryp otyratyn memqyzmetshilerdi synady

ASTANA. QazAqparat - Elbasy Nursultan Nazarbaev Qazaqstan halqyna arnalǵan Joldaýy kezinde qol qýsyryp otyratyn memlekettik qyzmetshilerdi synady, dep habarlaıdy QazAqparat.

«Ózimniń tájirıbemnen bilemin. Bólimde on adam otyrsa, sonyń ishinde úsheýi ǵana barshasy úshin aıanbaı eńbek etedi. Qalǵandary qol qýsyryp otyrady. Sáıkesinshe, tek jumys isteı alatyndarǵa barlyǵyn júktep qoıady. Osy úsheýi barlyq esepti jasap, negizgi jumystardy atqarady», - dep toqtaldy Elbasy.

Osy oraıda Prezıdent jumysyna salǵyrt qaraıtyndardyń ornyna naqty jumys isteıtinderdi qaldyrý kerektigin atap ótti.

Budan buryn habarlanǵandaı,  búgin Aqordada Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev memlekettik qyzmetshiler arasyndaǵy básekelestik týraly aıtyp berdi.