Prezıdent qoǵam qaıratkeri Seıdahmet Quttyqadamnyń otbasy men jaqyn týystaryna kóńil aıtty

<p>ASTANA. KAZINFORM -&nbsp; Prezıdent Qasym-Jomart Toqaev belgili jýrnalıst, ǵalym, qoǵam qaıratkeri Seıdahmet Quttyqadamnyń dúnıeden ótýine baılanysty otbasy men jaqyn týystaryna kóńil aıtty. Bul týraly Aqordanyń baspasóz qyzmetinen málim etti.</p>

– Seıdahmet Rysqojauly uzaq jyldar ulttyq ǵylymnyń, otandyq jýrnalıstıkanyń damýyna eleýli úles qosyp, ulaǵatty urpaq tárbıeledi. Aınalasyna syıly azamattyq bolmysymen barshanyń zor qurmetine bólengen Seıdahmet Rysqojaulynyń jarqyn beınesi ony biletin jurtshylyqtyń júreginde máńgi saqtalady. Marqumnyń ımany salamat, jany jánnatta bolsyn, – dep jazylǵan jedelhatta.

Tanymal pýblıtsıst, saıasattanýshy, memleket jáne qoǵam qaıratkeri Seıdahmet Quttyqadam 78 jasqa qaraǵan shaǵynda dúnıeden ozdy.

1946 jyly 9 mamyrda Túrkistan qalasynda dúnıege kelgen. Eńbek jolyn dıplomatııalyq qyzmetten bastaǵan bolatyn. Keıinnen respýblıkalyq basylym – «Araı» jýrnalynyń, «Vremıa-Dáýir» jáne «Epoha» gazetteriniń bas redaktory qyzmetin atqardy.

Qazaqstannyń ardager jýrnalısi, Qazaqstannyń eńbek sińirgen qaıratkeri, «Vyzov vremenı», «Mırajı ı realıı», «Slýjenıe natsıı», «Kazahskaıa drama» atty kitaptardyń avtory. Sondaı-aq ol respýblıkalyq, odaqtyq basylymdardaǵy, «Argýment ı fakty», «Vokrýg sveta» sııaqty gazetterdegi 500 avtorlyq maqala avtory.