Memleket basshysyna «Qyzylorda – Jezqazǵan» avtojolyn salý jumysy týraly málimet berildi

<p>Memleket basshysyna &laquo;Qyzylorda &ndash; Jezqazǵan&raquo; avtojolyn salý barysy týraly málimet berildi, dep habarlaıdy<strong> </strong><a href="https://kaz.inform.kz/" target="_blank" rel="noopener">Kazinform</a> agenttigi Aqordanyń baspasóz qyzmetine silteme jasap.&nbsp;</p>

Búginde Qyzylorda oblysynyń aýmaǵyna tıesili 216 shaqyrym joldyń 104 shaqyrymy jasaldy.

Sonymen qatar Prezıdentke «Batys Eýropa – Batys Qytaı» halyqaralyq dáliziniń Qyzylorda qalasynan Aqtóbe oblysynyń shekarasyna deıingi aralyǵyn (566 km) І sanattaǵy 4 jolaqty jolǵa aýystyrý josparlanyp otyrǵany týraly málimet berildi. Osy rette atalǵan baǵyttaǵy jumystardyń jobalyq-smetalyq qujattamalaryn ázirleý kelesi jyldan bastalady.

Memleket basshysy qazirgi jol shyn máninde, óte tar ekenin atap ótip, ony keńeıtý jumystaryn tezirek bastaý qajettigine nazar aýdardy.

Prezıdent Premer-Mınıstrdiń birinshi orynbasary Roman Sklıarǵa máseleni baqylaýǵa alý jóninde tapsyrma berdi. Buǵan qosa, Prezıdentke Qyzylorda oblysy ákiminiń orynbasary, Qazaqstan Prezıdentiniń «Baıqońyr» keshenindegi arnaýly ókili Qaırat Nurtaı kosmodrom qalashyǵyndaǵy ahýal týraly baıandady.

Qasym-Jomart Toqaev qalany áleýmettik-ekonomıkalyq turǵydan damytý úshin Reseı tarapymen tyǵyz qarym-qatynasta jumys isteý qajet ekenine nazar aýdardy.