Prezıdent Qytaı Halyq Respýblıkasynyń tóraǵasyna kóńil aıtty
— Jedelhatta Sıtszan avtonomııalyq aýdanynyń Shıgatsze qalasynda bolǵan joıqyn jer silkinisi saldarynan kóptegen adamnyń qaza tapqany jáne zardap shekkeni týraly sýyt habardy tereń kúızelispen qabyldaǵanyn jetkizdi. Sonymen qatar Prezıdent Qasym-Jomart Toqaev Qazaqstan halqynyń jáne óziniń atynan QHR Tóraǵasy Sı Tszınpın men jaqyndarynan aıyrylǵan otbasylarǵa, sondaı-aq dostas qytaı halqyna kóńil aıtyp, apatta jaralanǵandardyń tez arada saýyǵyp, otbasylaryna oralýyna tilektestik bildirdi, — delingen habarlamada.
Eske salsaq, Sıtszan avtonomııalyq aýdany (Qytaıdyń ońtústik-batysy) Shıgatsze qalasyndaǵy Dınjı ýezinde magnıtýdasy 6,8 baldyq jer silkinisi boldy. Sońǵy málimetter boıynsha tabıǵı apat saldarynan 53 adam kóz jumdy.
Sonymen qatar, Sı Tszınpın jer silkinisinen zardap shekken Tıbetke qoldaý kórsetýdi tapsyrdy.