Prezıdent Qytaı basshysymen kezdeskende nege arakidik qytaısha sóılesip ketetinin aıtty

<p>ASTANA. KAZINFORM &ndash; Prezıdent Qasym-Jomart Toqaev Qytaı Halyq Respýblıkasynyń tóraǵasy Sı Tszınpınniń Qazaqstandaǵy sapary qarsańynda <a href="https://russian.news.cn/20240701/d85c1037b7de4e459ba7f79e5dd926f7/c.html" target="_blank" rel="noopener">SINЬHÝA</a> agenttigine bergen suhbatynda Qytaıdaǵy stýdenttik shaǵyn jyly lebizben eske aldy.&nbsp;</p>

«Shynymen de keıde áńgime arasynda áriptesime asa mańyzdy máseleler týraly oıymdy barynsha naqty jetkizý úshin nemese kúndelikti ómirdiń qyzyqty taqyryptaryn talqylaý úshin qytaı tiline aýysyp jatamyn. Meniń stýdenttik ómiriniń eń bir jarqyn sátteri men dıplomat retindegi mansabymnyń bastaýy Qytaımen baılanysty. Jalpy eseptegende men Qytaıda 8 jyl ómir súrdim. Osy ýaqyt ishinde men qytaı mádenıetine, tarıhyna, tili men dástúrine tereń boılap, qytaı ashanasynyń baı murasy men alýandyǵyn tanydym», - dedi Qasym-Jomart Toqaev.

Prezıdent eki el basshylarynyń jeke tanystyǵy aradaǵy áriptestiktiń tereńdetýge yqpalyn tıgizip jatqanyn da aıtty. 

«Men keıingi jyldary Qytaıǵa úsh ret saparlap qaıttym. Onyń ishinde «Ortalyq Azııa – Qytaı» sammıti / 2023 jyldyń mamyr aıy, Sıan q./, «Bir beldeý, bir jol» úshinshi joǵary forýmy /2023 jyldyń qazan aıy, Beıjiń/, Baodaǵy Azııa forýmy /2024 jyldyń naýryz aıy, Haınan prov./ sııaqty mańyzdy sharalar da bar. Jeke baılanystardyń áriptestigimizdi tereńdetýge jáne eki memlekettiń qarym-qatynasynda jańa kókjıekter ashýǵa serpin beretini sózsiz. Osy jyldarda eki arada qalyptasqan dostyq pen senimge qurylǵan qarym-qatynas jańa úlken maqsattarǵa qol jetkizýge múmkindik ashady», - dedi Memleket basshysy.