Prezıdent kepildendirilgen transfertke qatysty zańǵa qol qoıdy
21:25, 12 Mamyr 2022
NUR-SULTAN. QazAqparat - Memleket basshysy «Qazaqstan Respýblıkasynyń Ulttyq qorynan 2022 – 2024 jyldarǵa arnalǵan kepildendirilgen transfert týraly» Qazaqstan Respýblıkasynyń Zańyna ózgeris engizý týraly» Qazaqstan Respýblıkasynyń Zańyna qol qoıdy.
Bul týraly QazAqparat Aqordanyń resmı saıtyna silteme jasap habarlaıdy.
Atalǵan zań jobasy Ulttyq qordan kepildendirilgen transfert mólsherin 4 trln 30 mlrd teńgege deıin ulǵaıtýdy qarastyrady. Jalpy qarajat Memleket basshysynyń tapsyrmalaryn iske asyrý úshin qosymsha qarjylandyrýdy qamtamasyz etý sheńberinde respýblıkalyq bıýdjettiń teńgerimdiligin qamtamasyz etýge baǵyttalady.