Prezıdent keler jyly Ulttyq tólem júıesin tolyq engizýdi tapsyrdy
«Taǵy bir mańyzdy másele – qor naryǵyn damytý. Qazir Qazaqstanda eki qor bırjasy bar. Olar jumys barysynda kóbine birin-biri qaıtalaıdy, tipti ózara básekege túsip jatady. Elimizdiń qarjy júıesi úshin bul tym artyq. Іshki naryqtyń kólemin jáne tartymdylyǵyn arttyrý úshin osy bırjalardyń áleýetin biriktirip, bir jerden basqarý máselesin qarastyrý qajet», - dep usynys bildirdi Memleket basshysy.
Sonymen birge, Prezıdent keler jyly Ulttyq tólem júıesin tolyq engizý jumysyn aıaqtaýdy tapsyrdy.
«Tólem júıeleriniń turaqtylyǵyn saqtaý da óte ózekti máseleniń biri bolyp otyr. Byltyr Ulttyq bank ulttyq tólem júıesiniń birinshi bóligi – jyldam tólemder júıesin iske qosty. Qazirgi tańda bul júıe pılottyq rejımde jumys istep jatyr. Ulttyq bankke 2024 jyly Ulttyq tólem júıesin tolyq engizý jumysyn aıaqtaýdy tapsyramyn», - dedi Prezıdent.
Aıta keteıik, dál qazir Memleket basshysy Qasym-Jomart Toqaev Qazaqstan halqyna Joldaýyn jarııalap jatyr.