Prezıdent: Keler jyly bizdi birqatar ataýly data kútip tur

<p>ASTANA. KAZINFORM &ndash; Prezıdent Qasym-Jomart Toqaev qazaqstandyqtardy Jańa jyl merekesimen quttyqtaý sózinde 2025 jyly kútip turǵan ataýly datalarǵa toqtaldy.</p>

- Uly Jeńistiń 80 jyldyǵyn laıyqty etip ótkizemiz. Konstıtýtsııa men Qazaqstan halqy Assambleıasynyń otyz jyldyǵyn joǵary deńgeıde atap ótemiz. Sondaı-aq, uly Abaıdyń 180 jyldyq mereıtoıyn laıyqty atap ótýimiz kerek, - dedi Memleket basshysy.

Bul jyldy Prezıdent «Jumysshy mamandyqtar jyly» dep jarııalaǵany belgili.

- Bul – eńbek adamdaryna degen erekshe qurmettiń belgisi. Biz otanshyldyq, eńbekqorlyq jáne biliktilikke aıryqsha mán beremiz. Dál qazir merekege qaramastan, myńdaǵan otandasymyz jumys istep jatyr. Olardyń arasynda shekarashylar, dárigerler, tártip saqshylary, qutqarýshylar men órt sóndirýshiler, óndiris basyndaǵy mamandar jáne basqa da azamattar bar. Muny óz isine degen adaldyqtyń naǵyz úlgisi deýge bolady. Men búkil halqymyzdyń atynan Sizderge shynaıy rızashylyǵymdy bildiremin. Shetelde bilim alyp jatqan nemese jumys istep júrgen azamattarymyzǵa amandyq tileımin! – dedi Qasym-Jomart Toqaev.

Prezıdent quttyqtaýynyń tolyq mátinin myna silteme arqyly oqı alasyz.