Prezıdent «Qazposhta» AQ basqarma tóraǵasy Ásel Janasovany qabyldady

<p>Memleket basshysy &laquo;Qazposhta&raquo; AQ basqarma tóraǵasy Ásel Janasovany qabyldady, dep habarlaıdy <a href="https://kaz.inform.kz/" target="_blank" rel="noopener">QazAqparat</a> Aqordanyń <a href="https://t.me/aqorda_resmi" target="_blank" rel="noopener">baspasóz </a>qyzmetine silteme jasap.</p>

Ásel Janasova:

«Qazposhta» aktsıonerlik qoǵamynyń bıylǵy 8 aıda atqarǵan jumystarynyń nátıjesi jóninde baıandady. Atap aıtqanda:

▪️Kompanııa shyǵyndardy ońtaılandyrý, elektrondy kommertsııany jáne basqa da qarjylyq qyzmetterdi damytý esebinen sońǵy 5 jylda alǵash ret shyǵyny az, tabysty mekemege aınalǵan;

▪️«Qazposhtanyń» 8 aıdaǵy kirisi ótken jyldyń osy kezeńimen salystyrǵanda 44 paıyzǵa nemese 16,7 mıllıard teńgege artqan.

Elimizdiń shalǵaı eldi mekenderinde «Qazposhtanyń» bólimsheler jelisin keńeıtý josparlanyp otyrǵanyn jetkizdi. Bul poshta, qarjy, agenttik, áleýmettik jáne memlekettik qyzmetterdi qamtamasyz etýge múmkindik beredi;

«Qazposhta» aktsıonerlik qoǵamy elektrondy kommertsııa naryǵynyń sýbektileri úshin biryńǵaı ekojúıe quratyny jóninde málimet berdi. Ol úshin kompanııa fýlfılment ortalyqtaryn damytý, otandyq jáne sheteldik tanymal marketpleıster úshin tapsyrystar berý pýnktterin ashý, qoımalar men poshtamat jelilerin keńeıtý jumystaryn júrgizip jatyr;

Aqtóbe qalasynda, Túrkistan jáne Almaty oblystarynda logıstıkalyq hab salý jospary boıynsha tanystyrdy. Mundaı logıstıkalyq hab osy aptada Astana qalasynda ashylmaq.

Qasym-Jomart Toqaev kompanııanyń qarjylyq jaǵdaıyn jaqsartý jumystaryn jalǵastyrýdy, aýyl turǵyndaryna kórsetiletin áleýmettik jáne memlekettik qyzmetter aıasyn ulǵaıtýdy tapsyrdy.