Prezıdent «QazMunaıGaz» UK» AQ basqarma tóraǵasynyń mindetin atqarýshy Ashat Hasenovti qabyldady

<p>ASTANA. KAZINFORM &ndash; Prezıdent Qasym-Jomart Toqaev &laquo;QazMunaıGaz&raquo; UK&raquo; AQ basqarma tóraǵasynyń mindetin atqarýshy Ashat Hasenovti qabyldady. Ol kompanııanyń bıylǵy birinshi toqsanda atqarǵan operatsııalyq jáne qarjylyq qyzmetiniń nátıjeleri týraly esep berdi. Bul týraly Aqordanyń baspasóz qyzmeti málim etti.&nbsp;&nbsp;</p>

«QazMunaıGazdyń» kóptegen negizgi kórsetkishter boıynsha byltyrǵy osy kezeńmen salystyrǵanda ósimge qol jetkizgeni jóninde baıandady;

iri ınvestıtsııalyq jobalardyń, sonyń ishinde Jańaózende gıbrıdti elektr stantsııasyn jáne Atyraý oblysynda qýaty 1,25 mıllıon tonna bolatyn polıetılen óndirý zaýytyn salý, munaı-hımııa klasterin damytý, Kaspıı teńizindegi Qalamqas-teńiz, Hazar jáne Áýezov ken oryndaryn ıgerý barysy jaıynda aıtty;

kompanııanyń 2023 jyly iske qosylǵan gaz ken oryndary, sondaı-aq qorlardy toltyrý jáne munaı óndirý deńgeıin saqtaý maqsatynda júrgizilip jatqan geologııalyq barlaý jumystary týraly málimet berdi. Atap aıtqanda, «QazMunaıGaz» Qyzylorda oblysyndaǵy Torǵaı paleozoı ýchaskesinde tereńdigi 5 500 metr uńǵyma jáne Kaspıı teńizindegi Abaı ýchaskesinde burǵylaý jumystaryn júrgizýdi kózdeıdi;

áleýmettik jobalardyń júzege asyrylýy jáne kompanııanyń sý tasqynyna qarsy is-sharalarǵa qatysty atqarǵan jumystary týraly aıtty.

Qasym-Jomart Toqaev geologııalyq barlaý, munaı-gaz hımııasy salalaryndaǵy jobalarǵa iri ınvestorlardy tartý jóninde birqatar tapsyrma berdi. Sondaı-aq otandyq munaı óńdeý zaýyttarynyń úzdiksiz jumysyn qamtamasyz etý qajet ekenine erekshe nazar aýdardy.