Prezıdent: Qazaqty saqtaý úshin, eń áýeli aýyldy saqtaý kerek

<p>ASTANA. KAZINFORM &ndash; Memleket basshysy Qasym-Jomart Toqaev aýyl sharýashylyǵy qyzmetkerleriniń birinshi forýmynda jahandaný dáýirindegi aýyldardyń mańyzy týraly oı qozǵady.</p>

«Qýatty aımaqtar – qýatty el» degen sóz. Biz osy qaǵıdaǵa saı jumys isteýimiz kerek. Sebebi myqty memleket bolamyz desek, aýyldy damytý asa mańyzdy. Osy oraıda men barshańyzǵa úndeý tastaǵym keledi. Aýyl – bárimizdiń altyn besigimiz. Qalada týyp, ómir boıy qalada turǵan qazaqtyń da tamyry – aýylda. Halqymyzdyń salt-dástúri, tili men dili, bári de aýylda saqtalǵan. Jahandaný dáýirinde qazaqty saqtaý úshin, eń aldymen, aýyldy saqtaýymyz kerek», - dedi Qasym-Jomart Toqaev.

Prezıdent týǵan jerine qamqor bolyp júrgen agrarlyq sala ókilderiniń eńbegine erekshe toqtaldy.

«Syr boıyndaǵy Naǵı Іlııasov jáne Tań, Arqadaǵy Shahterskoe, Qyzyljar óńirindegi Novonıkolskoe aýyldary da kópke úlgi. Ár aımaqta osyndaı gúldengen eldi mekender bar. Biraq aýyldan shyqqan myqty kásipkerler odan áldeqaıda kóp. Men isker azamattardy aýyl-aımaqty kórkeıtýge shaqyramyn. Adal eńbekpen tabysqa jetken azamat aýylyn damytýǵa úles qosqany jón dep oılaımyn. Bul biz únemi aıtatyn otanshyldyq, elge janashyrlyq qasıetterdiń naqty kórinisi bolary sózsiz», - dedi Memleket basshysy.