Prezıdent qazaqstandyq jastardyń arasynan jańa ǵalymdar men ónertapqyshtardy izdeýge shaqyrdy

ASTANA. QazAqparat - Búgin Elbasy Nursultan Nazarbaev jańa ındýstrııalandyrý aıasyndaǵy jalpyultyq telekópirde qazaqstandyq jastardyń arasynan jańa «ámbebap» adamdardy, ǵalymdardy jáne ónertapqyshtardy izdeýge shaqyrdy.

«Men jaqynda Mılandaǵy «EKSPO» kórmesinde boldym. Ol jerde bizdiń agrarlyq qyzmetkerler kelilik aportty kórsetti. Kórmedegilerdiń barlyǵy osy almany kórip, tańdandy. Qazaqstan almanyń ólkesi ekenin barlyǵy túsinedi», - dep toqtalǵan Elbasy, búginde elimizge qum men tastaqta ornalasqan Izraılden qulpynaı jetkizilip jatqandyǵyn, osy oraı jańa tehnologııalar men zerttemeler, tyń jańalyqtar elimizde kóptep usynylýy kerektegin qadap aıtty.

Prezıdent álemdik alańda usyný úshin jastardy jańa ıdeıalar men brendterdi izdeýge shaqyrdy. «Biz talaptylardy tárbıeleý kerekpiz. Jastarymyzdyń jańa ıdeıalardy izdeýin qalaımyn, elimizde úlken talanttar bar. Biz álemde qazaqstandyq brendpen tanylýymyz qajet», - dedi Memleket basshysy.