Prezıdent qazaqstandyqtardy Eńbek kúnimen quttyqtady

<p>Memleket basshysy Qasym-Jomart Toqaevtyń Qazaqstan halqyn Eńbek kúnimen quttyqtady, dep habarlaıdy QazAqparat.</p>

"Qurmetti otandastar!
Sizderdi Eńbek kúnimen shyn júrekten quttyqtaımyn!

Bul – memleketimizdiń turaqty damýyna jasampaz isimen úles qosyp kele jatqan naǵyz eńbekqor jandardy ulyqtaýǵa arnalǵan mańyzdy mereke. Olar týǵan eldiń jarqyn bolashaǵy úshin kún saıyn tynbaı eńbek etip, otanshyldyqtyń ozyq úlgisin kórsetip júr.

«Adal azamatqa» tán eńbekqorlyq, iskerlik, jaýapkershilik, bilimpazdyq jáne jaqsydan úırený, jamannan jırený syndy asyl qasıettiń bári shynaıy eńbek adamynyń boıynan tabylady. Sondyqtan óz isiniń maıtalmandary qashanda qoǵamnyń nazarynda bolýǵa tıis. Al, jastarymyz solarǵa qarap boı túzeýi kerek.

Halqymyz «Eńbek – adamnyń kórki, adam – zamannyń kórki» dep beker aıtpaǵan. Shyn máninde, adal eńbek – búkil jetistiktiń bastaýy, tabysqa jetýdiń kilti. Memleket osy basty qaǵıdat barlyq jerde saltanat qurýy úshin bárin jasaıdy.

Men Ádiletti Qazaqstandy eńbekqor, adal azamattar ǵana qura alatynyna kámil senemin.

Barshańyzǵa zor densaýlyq, baq-bereke tileımin!", - delingen Prezıdent quttyqtaýynda.