Prezıdent Qazaqstandaǵy týrızmniń múmkindikterine baǵa berdi

ASTANA. QazAqparat - Bıyl Úkimet bıznes ortany, sonyń ishinde týrızmdi ary qaraı damytý úshin zańnamalyq ózgeristerdiń paketin engizedi. Bul týraly QR Parlamenti palatalarynyń birlesken otyrysynda Elbasy Nursultan Nazarbaev málim etti, dep habarlaıdy QazAqparat.

«Úkimetke týrızmdi damytýdyń 2023 jylǵan deıingi memlekettik baǵdarlamasyn ázirleý tapsyryldy. Bıyl Qazaqstanda týrızm múmkindigi joǵary birneshe oryndardy aralap keldim. Bul jerlerdiń áleýeti joǵary, alaıda jumys isteý kerek, ásirese, týrızm ınfraqurylymyna qarjy men kúsh-jigerdi salý qajet. Bıznes bul salǵa barýǵa ázir. Osy baǵdarlamany sońyna deıin jetkizý kerek», - dep tapsyrdy Memleket basshysy.

Prezıdent baǵdarlama qarjylyq turǵyda qajetti zańnamalyq bazamen negizdelýi tıistigin, sondaı-aq týrıstik qyzmet máseleleri jónindegi zańnamaǵa ózgeristerdi bıyldyń sońyna deıin qarastyrý qajettigin atap ótti.

Aıta keteıik, Astanada Memleket basshysy Nursultan Nazarbaevtyń qatysýymen Parlament palatalarynyń birlesken otyrysy ótip jatyr.