Prezıdent Qazaqstandaǵy qarjy júıesiniń búgingi deńgeıine baǵa berdi

ASTANA. QazAqparat - Qazaqstandaǵy qarjy júıesi qanaǵattanarlyq deńgeıde. Bul týraly jyl qorytyndysy boıynsha elimizdiń BAQ ókilderimen kezdesý barysynda QR Prezıdenti Nursultan Nazarbaev málim etti, dep habarlaıdy QazAqparat.

«Búginde Qazaqstanda 28 bank jumys istep jatyr. Onyń ishinde 14-i sheteldik kapıtaldyń qatysýymen, al qalǵan 14-i qazaqstandyq bankter. Sońǵy kezderi Ulttyq bank 5 iri bankke qoldaý kórsetti. Onyń ishinde «Qazkommertsbank» bar, ol «BTA Banktiń» barlyq qaryzyn óz moınyna alǵan edi. Onda 2,4 trln teńge salý kerek boldy. Ulttyq bank tarapynan osy sharalar atqaryldy. Bul qarjynyń barlyǵy qaıtarymdy, nesıelerdi qıyn kezde alyp, keıin qaıtarady. Eger de jalpy kórsetkishke toqtalsaq, ekonomıkany nesıeleý 26 paıyzǵa artyp, bankter aktıvi 29 paıyzǵa ósti. Jalpy, jaǵdaıdy qanaǵattanarlyq dep sanaýǵa bolady. Degenmen, problemalar bar. Sáıkesinshe, olardy sheshý kerek»,- dedi Prezıdent.

Elbasy bankterdiń sapasyz jumysynan salymshylar zardap shekpeýi tıistigin qadap aıtty. Ol úshin arnaıy saqtandyrý qory bar.

N. Nazarbaev búgingi múmkindikter bolashaqqa optımızmmen qaraýǵa jol ashyp otyrǵanyn jetkizdi. Elimizde altyn-valıýta qory eleýli kólemde jınaqtalǵan.

«Qıyndyqtar bolady. ıAǵnı, bul qıyndyqtar bank aktsıonerleriniń, menedjmentiniń tájirıbesi deńgeıiniń azdyǵynan bolýy múmkin. Ulttyq bank bul baǵyttaǵy máselelerdi baqylaýda ustap otyr», - dedi Memleket basshysy.