Prezıdent: Qazaqstan kólik-tranzıttik marshrýttardy ártaraptandyrýǵa 20 mlrd dollar baǵyttaıdy
«Kólik-tranzıttik marshrýttardy ártaraptandyrý ıntegratsııalanǵan logıstıkalyq sheshimderdi engizý qajet. Onyń ishinde jańa qurlyqtyq dálizderdi iske qosý mańyzdy. Qazaqstan óz tarapynan 2025 jylǵa deıin bul maqsattarǵa 20 mlrd dollar baǵyttaýdy josparlap otyr. Bul Qytaıdan baǵyt alatyn tranzıttik aǵynnyń arnasyn keńeıtip, óńirdegi elderdiń qaýyrt ósip kele jatqan qajettilikterin qanaǵattandyrýǵa múmkindik beredi», - dedi Memleket basshysy.
Qazaqstan basshysy atalǵan isten halyqaralyq ınstıtýttar da zor áleýet kórip otyrǵanyn eske saldy.
«Jalpy, Dúnıejúzilik banktiń baǵalaýy boıynsha, Ortalyq Azııanyń kólik kommýnıkatsııasyn damytý arqyly 5 memlekettiń jalpy ishki ónimin 15 paıyz deńgeıinde ósirýge múmkindik bar. Bul biz iske qosýǵa tıis orasan rezerv degen sóz. Biz atalǵan baǵyttaǵy kez kelgen aqylǵa qonymdy usynysty qoldaýǵa daıynbyz» - dedi Qasym-Jomart Toqaev.
Aıta keteıik, Memleket basshysy Qasym-Jomart Toqaev «Ortalyq Azııa – QHR» sammıtine qatysýda.
Sammıtke QHR Tóraǵasy Sı Tszınpın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon beınekonferentsııa rejıminde qatysyp otyr.