Prezıdent qaı gazetterdi oqıtynyn aıtty

NUR-SULTAN. QazAqparat – Merzimdi baspasózdi úzbeı qaraımyn. Bul týraly «QAZAQSTAN» ulttyq telearnasyndaǵy suhbaty kezinde Memleket basshysy Qasym-Jomart Toqaev málim etti, dep habarlaıdy QazAqparat tilshisi.

Suhbat barysynda tilshi Prezıdentten kúndelikti qandaı aqparat kózderin paıdalanatynyn surady.

Memleket basshysy merzimdi baspasózdi úzbeı qaraıtynyn aıtty.

« Bul – meniń burynnan qalyptasqan daǵdym. «Egemen Qazaqstan», «Aıqyn», «Astana aqshamy» gazetterin oqımyn. «Ana tili», «Qazaq ádebıeti», «Jas qazaq», «Túrkistan» gazetterin de mindetti túrde oqyp turamyn. Jalpy, men kóp oqıtyn adammyn. Jaqsy maqala nemese suhbat kórsem, astyn syzyp oqýǵa tyrysamyn. Ózekti másele baıqasam, oǵan qatysty naqty tapsyrma beremin. Áleýmettik jelidegi ótkir jazbalardy da únemi sholyp otyramyn. Al, teledıdardan jańalyqtar men saraptamalyq baǵdarlamalardy kóremin», - dedi Qasym-Jomart Toqaev.