Prezıdent: Qaı elde meken etse de, qazaqtyń bir ǵana Otany bar, ol - Qazaqstan

<p>Elordada sheteldegi qazaqtardyń basyn biriktirip, ózekti máselelerdi talqylaýǵa baǵyttalǵan &laquo;Otandastar&raquo; forýmy bastaldy, dep habarlaıdy <a href="https://kaz.inform.kz/" target="_blank" rel="noopener">Kazinform </a>.</p>

Jıyn basynda sóz alǵan QR Prezıdentiniń keńesshisi Málik Otarbaev Memleket basshysynyń forým qatysýshylaryna arnaǵan hatyn oqydy.

«Ardaqty aǵaıyn, Sizderdi «Otandastar» forýmynyń ashylýymen shyn júrekten quttyqtaımyn. Bul halqymyz úshin aıryqsha máni bar basqosý. Qazaqta: «Kelisip pishken ton kelte bolmas», degen sóz bar. Halqymyz qashanda eldik máselelerdi alqaly jıynda aqyldasyp sheshken. Osy oraıda sheteldegi qazaqtarmen jan-jaqty baılanysty nyǵaıtý, ulttyq qundylyqtardy dáripteý jáne basqa da ózekti máselelerdi ózderińizben talqylaýdyń mańyzy zor. Qaı memlekette meken etse de, qazaqtyń bir ǵana otany bar – ol Qazaqstan. Sondyqtan biz shetelde turatyn qandastarymyzdy qoldaýǵa qashan da mán beremiz. Olardyń tarıhı otanyna qonys aýdarýyna tolyq jaǵdaı jasalǵan. Qazaqstan azamattyǵyn jáne qandas mártebesin alý tártibi jeńildetildi. Sheteldegi qazaq kásipkerleri úshin «Ata joly» kartasy engizildi. Qandastarmen qarym-qatynasty damytýyǵa baǵyttalǵan osyndaı jumystar jalǵasa beredi», - dep Prezıdent Qasym-Jomart Toqaevtyń hatyn oqyp berdi Málik Otarbaev.

Aıta keteıik, búgin elordada «Otandastar» forýmy ótip jatyr. Shara aıasynda sheteldegi qandastarmen baılanysty nyǵaıtý, mádenı jobalardy birlesip iske asyrý úshin etnosaıası birlestiktermen áriptestik ornatý jáne ınvestıtsııalyq klımatty jaqsartý boıynsha usynystar talqylanady.

Forýmǵa shet memleketterde turyp jatqan belgili qazaqtar jınaldy. Atap aıtqanda, uly Abaıdy qytaı tiline aýdarǵan qalamger Akbar Májıt, Ózbekstannyń Tabıǵı resýrstar mınıstriniń keńesshisi Rasýl Kósherbaev, Frantsııadaǵy Kreı qalasy meiriniń orynbasary Esshım Savash bar.