Prezıdent Katonqaraǵaı men Kendirlige áýe qatynasyn retteýdi tapsyrdy

<p>ASTANA. KAZINFORM &ndash; Memleket basshysy Qasym-Jomart Toqaev &laquo;Ádiletti Qazaqstan: zań men tártip, ekonomıkalyq ósim, qoǵamdyq optımızm&raquo; atty Joldaýynda týrıstik áleýeti zor shalǵaı eldi mekenderdiń ınfraqurylymyn jaqsartý týraly naqty tapsyrmalar berdi.</p>

«Áýe habtaryn damytý – óte mańyzdy mindet. Qazaqstannyń áýe keńistigi arqyly jyl saıyn 150 myń tonnaǵa jýyq júk tasymaldanady. Aldaǵy tórt jylda bul kórsetkishti eki ese ulǵaıtýǵa bolady. Áýejaılarymyzdyń júk tasymaldaý múmkindigin arttyrý úshin barlyq jaǵdaıdy jasaý kerek. Іshki áýe baǵdarlaryn damytýǵa aıryqsha nazar aýdarǵan jón. Bul, ásirese, negizgi týrızm nysandarynyń ınfraqurylymyn jaqsartý úshin mańyzdy», - dedi Memleket basshysy.

Qasym-Jomart Toqaev týrızm jobalaryn júzege asyrǵanda tabıǵatqa zııan keltirmeı, ekologııany saqtaý mańyzdy ekenin eskertti.

«Balqash jáne Alakól demalys aımaqtaryndaǵy ushý-qoný jolaqtary tolyq jańǵyrtyldy. Qatonqaraǵaı, Zaısan jáne Kendirli óńirleriniń de týrıstik áleýetin durys paıdalaný qajet. Osyndaı demalys aımaqtarynda sapasy joǵary jol ınfraqurylymy bar áýe beketteri men áýejaılar salý kerek. Ónerkásipti damytý qorynyń esebinen kishi avıatsııa ushaqtaryn alǵan jón», - dedi Prezıdent.